Turizmi në Vlorë ka hyrë në pikun e tij, edhe pse në rrjete sociale flitet për plazhe bosh për shkak të çmimeve të larta. Plazhet, rrugët, hotelet tashmë janë të tejmbushura nga pushues nga Kosova, Maqedonia e Veriut por më së shumti të huaj nga vendet nordike, perëndimore dhe Europa lindore.
Operatorët turistikë thonë se ka një kërkesë ende shumë të lartë dhe për gushtin e shtatorin. Ndërkohë që plazhet nga Vlora në Radhimë janë të populluar me pushues nga e gjithë Europa.
“Jam Daria,vij nga Polonia por jam nga Ukraina, më pëlqejnë pushimet që po kalojmë në Shqipëri. 7ditë në këtë natyrë te bukur të ndërthurur me malet, e bëjnë shumë të veçantë duke ditur që është hera e parë që ndodhem në Shqipëri”, tha pushuesja nga Ukraina.