Gjirokastër, zjarr pranë tregut të fruta-perimeve

Situata me zjarret në vend, vijon që të jetë e rëndë. Një zjarr i përmasave të mëdha ka përfshirë sipërfaqen pranë tregut të shumicës së produkteve fruta-perime në qytetin e Gjirokastrës. Flakët prej mëse 30 minutash dogjën një parcelë me bimësi pranë tregut të pozicionuar në pjesën e poshtme të qytetit, pranë lumit Drino. Në vendngjarje mbërritën dy automjete zjarrfikëse dhe një autobot pasi zjarri mori përmasa të mëdha për shkak të ndikimit të erës. Pas disa minutash zjarri u vendos nën kontroll.