Të paktën 30 persona u plagosën, dy prej tyre në gjendje të rëndë, kur një karusel mori flakë në një festival muzikor në Leipzig, tha policia gjermane.
“Katër persona kanë pësuar djegie dhe një ka rënë. 18 persona të tjerë kanë pasur probleme pasi kanë rënë në kontakt me tymin”, tha zëdhënësja e policisë.
Mes të plagosurve janë pjesëtarë të ambulancës dhe policisë, raporton Bild. Ngjarja ka ndodhur mbrëmë pak pas orës 21:00.
Një nga vizitorët në festival deklaroi se ndjeu djegie plastike, por fillimisht mendoi se ishte një zjarr që vinte nga një park fqinj, jo nga festivali.