Kanye West ka folur shpesh për problemet e tij me shëndetin mendor, të cilat kanë pasur ndikim të madh në jetën e artistit. Së fundmi në një intervistë përballë David Letterman, që pritet të publikohet pë pak ditë në “Netflix”, Kanye është treguar më i sinqertë se asnjëherë tjetër për problemet e tij me bipolaritetin. “Kur je bipolar ke potencial të bësh si i tërbuar dhe të shkosh deri në atë pikë sa të veprosh si i çoroditur”, dëgjohet Kanye në promon e shkurtër të emisionit.
Gjithashtu në video ai shfaqet së bashku me David në një magazinë për të parë linjën e tij të veshjeve. Episodi me Kanye West si të gjithë të tjerët do të zgjasë për 1 orë dhe në të artisti do të zbulojë gjithçka nga jeta e tij. Me herët Kanye West ka treguar se ai u diagnostikua për herë të parë me probleme psikologjike kur arriti moshën 39-vjeçare. Megjithatë ai ka thënë se të tilla probleme nuk i cilëson si dobësi, por superfuqi. Kanye West ka pasur mbështetje të madhe edhe nga bashkëshortja e tij, Kim Kardashian, e cila i ka qëndruar pranë në çdo moment.