Gjykata e Krimeve të Rënda i ka refuzuar kërkesën Altin Avdylit për të zbutur masën e dënimit “arrest me burg”.
Ai kishte kërkuar lirimin nga qelia me arsyetimin e mungesës së provave, por kjo nuk u pranua nga gjykata. Nga ana tjetër, prokurori i çështjes kërkoi lënie të pandryshuar të masës me argumentin se nuk ka kushte të reja ligjore që mund të çojnë në ndryshimin e saj. Kjo është hera e pestë që Altin Avdyli kërkon lirim nga qelia.
Emri i Altin Avdylit doli në përgjimet e Dosja 339 të publikuara nga Zëri i Amerikës. Ai u arrestua në sajë të operacionit të koduar ‘Vol Vo-4’.
Avdyli akuzohet si pjesë e grupit Avdylaj për “Prodhim dhe shitje të narkotikëve”, “Trafikim i narkotikëve”, në bashkëpunim në formën e posaçme të grupit të strukturuar kriminal dhe organizatë kriminale, si dhe pastrim i produkteve të veprës penale. “Niçja” është një nga personat që thuhet se ka folur me kryebashkiakun e Durrësit Vangjush Dako.