Baçi: Gjyqi ndaj Berishës zgjidh edhe ngërçin ku ndodhet opozita

Analisti Agim Baçi, duke folur për komunikimin e akuzës nga SPAK për Sali Berishën, tha se gjyqe të tilla do ti japin fund ngërçit ku është futur e gjithë opozita. Ai tha se një hapje e shpejtë e procesit do të zgjidhë edhe situatën jo thjesht për ish-Kryeministrin, por edhe për opozitën dhe demokracinë. ”Varet shumë nëse do të kemi një proces të argumentuar apo politik. Berisha do e trajtojë procesin politikisht, por për opinionin publik duhet të jetë një gjyq sa më i qartë, sa më argumentues. Kryeministri Edi Rama ka heshtur deri më tani, sepse mund t’i kthehet në bumerang. Nga mënyra se si do të shkojë ky proces do të përcaktojë edhe fatin politik jo thjesht të ish-Kryeministrit, por edhe Partisë Demokratike në zgjedhje”, tha Baçi.