Partia Social-Demokrate (SPD) e kancelarit gjerman Olaf Scholz duket se ka nje epersi te lehte ndaj se djathtes ekstreme ne zgjedhjet e se dieles ne shtetin e Brandenburgut, tregojne anketimet paraprake.
Para votimeve, sondazhet gjate gjithe fushates tregonin se Social-Demokratet qendronin pas Alternatives per Gjermanine (AfD).
SPD e cila ka qeverisur shtetin prane kryeqytetit Berlin qe nga ribashkimi ne vitin 1990, mori 31.8% te votave, ndersa AfD e ekstremit te djathte, 29.2%, sipas nje sondazhi me votuesit pasi dolen nga qendrat e votimit te kryer nga televizioni ZDF.
Fitorja e SPD-së mund të zbusë të paktën për momentin dyshimet brenda partisë për rikandidimin e zotit Scholz për zgjedhjet federale të planifikuara për shtatorin e ardhshëm, duke pasur parasysh rënien e popullaritetit të tij me votuesit.
Megjithatë fitorja nuk ka gjasa të të forcojë ndjeshëm pozitat e tij ose të partisë, duke pasur parasysh se kryeministri aktual i SPD-së në Brandenburg, Dietmar Woidke, ishte distancuar nga Kancelari Scholz gjatë fushatës dhe kishte kritikuar politikat e qeverisë federale.
Tre të katërtat e atyre që votuan për SPD-në nuk e bënë një gjë të tillë bazuar në bindjet për të, por për të shmangur fitoren e AfD-së, sipas një ankete të televizionit ARD.
Pjesëmarrja në votime u rrit në 73% nga 61% pesë vjet më parë, sipas ZDF-së. SPD ka një mbështetje prej vetëm 15% në nivel kombëtar, nga 25.7% që shënoi në zgjedhjet federale të vitit 2021. Ajo qëndron prapa AfD-së me rreth 20% dhe konservatorëve të opozitës me 32%. Të tre partitë në koalicionin me parti me prirje të ndryshme të zotit Scholz, të marra së bashku, gëzojnë aktualisht në sondazhe rreth 30% mbështetje, më pak se konservatorët të vetëm.
Koalicioni është kritikuar ashpër për mosmarrëveshjet e vazhdueshme dhe për trajtimin e imigracionit.
Në Lindjen që dikur ishte pjesë e bllokut komunist, shumë votues janë gjithashtu kritikë ndaj furnizimin me armë të Ukrainës në luftëm kundër agresionit rus.