Plani i kryeministrit Edi Rama për të krijuar Shtetin e Urdhrit Bektashi, është një nga temat më të komentura në vend, dhe jashtë vendit. Zyra e BE-së në Tiranë, ka dhënë qëndrimin e parë rreth çështjes në fjalë.
“Nuk kemi komente në këtë fazë. Liria e mendimit, ndërgjegjes dhe fesë është e sanksionuar në nenin 10 të Kartës së BE-së, për të drejtat themelore. BE-ja mbështet tolerancën dhe dialogun ndërfetar. BE-ja nuk ka kompetencë për të rregulluar çështjet fetare”, thuhet në reagimin e shkurtër të Bashkimit Evropian.
Baba Mondi tha për median amerikane se shteti bektashi mund të ketë nevojë për një shërbim të vogël inteligjence, por nuk do të ketë ushtri, roje kufitare apo gjykata. Kryeministri Rama pranoi se krijimi i një shteti sovran islamik në Tiranë do të kërkonte kohë