Më në fund është konfirmuar një nga filmat më të shumëpritur. Ka qenë aktorja e njohur, Anne Hathaway, e cila ka dhënë lajmin për “The Princess Diaries 3”. Kjo i ka lumturuar shumë fansat e saj besnikë, pasi është vazhdimi i filmave ku ajo luajti me Disney-n disa vite më parë.
Përmes rrjeteve të saj sociale, Anne Hathaway ka shprehur kënaqësinë dhe emocionin e saj për fillimin e xhirimeve të këtij filmi të ri, vazhdimësi të filmave me të cilët filloi karrierën e saj, ‘The Princess Diaries’ dhe ‘The Princess Diaries 2’.
Kështu, Anne Hathaway ka befasuar fansat e saj në rrjetet sociale, pasi ka konfirmuar se pas shumë kërkesave do të ketë një pjesë të tretë të filmit ‘The Princess Diaries’.
Përmes llogarisë së saj zyrtare në Instagram, Hathaway ka bërë të qartë se filmi ‘The Princess Diaries 3’ është një nga filmat për të cilin ajo është më e emocionuar.
“Mrekullitë ndodhin. Kthim në Genovia. Përralla vazhdon”. -ka shkruar aktorja.
Por nuk është vetëm “The Princess Diaries 3” projekti i radhës për aktoren amerikane, pasi ajo është duke punuar edhe për filma të tjerë. Anne Hathaway do të fillojë gjithashtu xhirimet “The Devil Wears Fashion 2” në muajt në vijim, një tjetër film ikonik që e ngriti atë në majat e Hollivudit, pasi luajti përkrah yjeve si Meryl Streep dhe Emily Blunt.