Pas paralajmërimeve të goditjes nga uragani “Milton”, miliona njerëz në Florida janë urdhëruar të largohen nga banesat e tyre
“ Milton mund të jetë një nga stuhitë më të fuqishme në 100 vitet e fundit. Duhet të ishit evakuuar tani. Është një çështje jetë a vdekje dhe kjo nuk është hiperbolë”, tha Biden.
Uragani pritet të godasë zonën e Tampas , ku jetojnë mbi tre milion njerëz, megjithëse parashikuesit thanë se rruga e stuhisë mund të ndryshojë përpara se të prekë tokën në orët e vona të së mërkurës në mbrëmje ose herët të enjten në mëngjes, sipas orës lokale.
Banorët e zonës të panikosur për tu larguar sa më parë nga rreziku bllokuan autostradat dhe pikat e karburantit.
Stuhia vjen më pak se dy javë pasi uragani “Helene”, goditi SHBA-në juglindore, duke vrarë të paktën 225 persona , ndërsa qindra të tjerë janë ende të zhdukur.