Policia e Shkodrës ka shpëtuar tre turistë anglezë në zonat turistike malore të Thethit, pasi kishin humbur kontaktet mes tyre mbrëmjen e djeshme, në zonën e quajtur Qafë Thore.
“Shërbimet e Policisë të Komisariatit të Policisë Shkodër dhe Komisariatit të Policisë Malësi e Madhe, në bashkëpunim me banorët e zonës, janë vënë në kërkim të turistëve dhe pas disa orë kërkimesh, tre turistët anglezë u gjetën në kushte të mira shëndetësore dhe momentalisht gjenden në fshatin Bogë, ku janë strehuar në bujtinë”, bën me dije policia.