Safet Bajri, i cilësuar si kreu i grupit të “Bajrave” i arrestuar pak kohë më parë në një superoperacion në Shkodër, po vuan dënim në burgun 313 në Tiranë. Ai akuzohet për një sërë veprimtarish kriminale, po sot ai është rikthyer në vëmendje të medieve.
Shkak këtë herë është një postim i tij në rrjetet sociale. Edhe pse i burgosur, kjo nuk e ka penguar Bajrin që të mbajë celularë (ndonëse është e ndaluar) e aq më tepër që të jetë aktiv në rrjetet sociale. Së fundmi, ai ka publikuar në video teksa është duke parë spektaklin e humorit “Portokalli”. Shumë pyetje lindin nga kjo video…si e ka siguruar këtë celular, kush ia ka bërë ofertën e internetit, ku e mban të fshehur dhe përse nuk ia kanë konfiskuar për aq kohë sa ai herë pas here poston foto dhe video në rrjetet sociale..
