Mbi një dekadë që nga vdekja e saj, ikona e muzikës, Whitney Houston po zbulohen materiale të rralla të saj.
Koncerti historik i Houstonit i vitit 1994 në Durban në Afrikën e Jugut, do të shfaqet në gati 900 kinema në më shumë se 25 vende në 23 dhe 27 Tetor.
“Askush nuk e ka parë ndonjëherë atë,” tha producenti dhe regjisori Marty Callner.
“Çdo fans që e ka ndjekur ka mbetur i mahnitur dhe ka diçka që tërheq shumë kur sheh një këngëtar, të mos shqetësohet për gabime, të mos përpiqet të jete i përsosur.”
Më 9 Nëntor, Legacy Recordings dhe trashëgimtarët e këngëtares së ndjerë do të publikojnë muzikën nga filmi, i cili do të jetë albumi i parë i koncertit live i Houstonit, “The Concert for A New South Africa.”
Callner tha se koncertet ishin ideja e saj.
“Nuk e kisha parë kurrë kaq të gëzuar dhe duke kaluar një kohë të mirë. Ajo po punonte shumë edhe pse ndihej e pafuqishme, ja doli duke arritur sukses pas suksesi.”
Filmi, në 4K me audio të rindërtuar, përmban gjithashtu një duet me nënën e saj, Cissy Houston.