Sot në qytetin e Burrelit është festuar 50 vjetori i Qendrës Kulturore të Fëmijëve. Pikërisht këtu janë përgatitur qindra talente të reja matjane në fushën e muzikës, pikturës, letërsisë, sportit, etj.
Në këtë ditë të shënuar u organizua një aktivietet i bukur artistik me pjesmarrjen e nxënësve që frekuentojnë këtë qendër, ish specialistë e drejtues të QKF-së ndër vite, drejtues të pushtetit lokal dhe qytetarë të shumtë.
Kryetari i Bashkisë Mat, Agron Malaj, shpërndau disa “Çertifikata Mirënjohje” për ish drejtorët si dhe falenderoi fëmijët që e frekuetojnë këtë mjedis të veçantë.
Postimi i Malajt:
Qendra Kulturore e Fëmijëve “Ymer Neli” Mat festoi 50-vjetorin e krijimit të këtij institucioni me këngë e valle tradicionale matjane, i cili për gjithë këto vite ka kontribuar në kultivimin e edukimit kulturor dhe artistik për fëmijët, dhe vazhdon edhe sot.
Në kuadër të këtij 50-vjetori QKF Mat vlerësoi dhe nderoi me Çertifikata Mirënjohje për kontributin e tyre për këtë institucion, ish-drejtorë, instruktorë dhe nxënës që kanë qenë pjesë e tij dhe kanë punuar fort për fëmijët e Matit.
Faleminderit @SuelaKoçibellinj për kontributin që Vizion OJF ka dhënë për rikonstruksionin dhe paisjen me mjetet dhe veglat e nevojshme muzikore.