Fenomeni i largimit të shqiptarëve drejt vendeve të BE-së apo drejt kryeqytetit ka prekur më shumë bashkitë e vogla si ajo e Libohovës.
Në emisionin “Vendi Im”, kryetari i bashkisë Leonard Hide tregon se pavarësisht reformës së qeverisë për rritjen e pagave, bashkia nuk ia del të gjejë inxhinierë apo topografë.
“Nuk është ndjerë reforma e rritjes së pagave për çfarë ne kemi nevojë për specialistë. Kemi nevojë për inxhinierë, inxhinierë hidro, topograf që është shumë e nevojshme dhe e kemi vendin bosh,” tregon sfidat kryebashkiaku Leonard Hide.
Si pasojë e largimit të banorëve, në gjimnazin e vetëm të qytetit rrezikohej të mos hapej viti i parë.
“Qyteti i Libohovës ka dy shkolla, një nëntëvjeçare dhe një gjimnaz. Për shkak të numrit në rënie të fëmijëve këtë vit ishte pothuaj në limite për tu hapur viti i parë i gjimnazit,” shpjegon situatën Leobard Hide.
Sipas censit të realizuar vjet, në bashkinë e Libohovës banojnë gjithsej 2765 qytetarë.