Zoë Kravitz dhe Channing Tatum kanë mbetur në kontakte pas ndarjes së tyre, e cila sipas burimeve, ka qenë një vendim i përbashkët dhe pa drama.
Një burim për Page Six tha se “nuk pati ndonjë përplasje dramatike” midis dy aktorëve, të cilët vendosën se ishte më mirë të ndanin rrugët, duke u fokusuar në miqësinë e tyre.
Kravitz, 35 vjeçe, dhe Tatum, 44 vjeç, e trajtuan ndarjen me pjekuri, duke kuptuar se funksiononin më mirë si miq. Sipas burimeve, babai i Zoë-s, Lenny Kravitz, nuk është i zhgënjyer nga marrëdhënia e tij me Tatum dhe thotë se dëshiron që të dy të jenë të lumtur.
“Ai e kupton se këto gjëra ndodhin,” u shpreh burimi.
Dhe ndërsa krizat personale ndodhin, Zoë duket se është në humor të mirë. Pas ndarjes, ajo u pa duke u argëtuar në një festë Halloween dhe është e angazhuar me xhirimet e filmit të saj të ri “Caught Stealing” në New York me Austin Butler, duke treguar se jeta vazhdon për të.