Policia ka vënë në pranga një 24-vjeçar dhe ka shpallur në kërkim vëllain e tij në Shijak për shpërndarje të drogërave të forta.
Sipas policisë 24-vjeçari H.P ishte në vëzhgim dhe në ndjekje nga policia pasi uniformat blu kishin informacione se i riu në bazë të policisë shpërndante heroinë. Nga hetimet u zbulua se këtë veprimtari e kryente bashkë me të vëllain e tij.
“Shërbimet e Policisë kapën në flagrancë shtetasin H.P., në vendin e quajtur “4 Rrugët e Shijakut”, duke i shitur disa doza lëndë narkotike e dyshuar Heroinë , shtetasit O.A., 35 vjeç,(përdorues) dhe nga kontrolli i ushtruar në automjetin e tij u gjetën 3 doza lëndë narkotike e llojit heroinë, e cila u sekuestrua në cilësinë e provës materiale”, thuhet në njoftimin e policisë.
Materialet hetimore u kaluan në Prokurorinë pranë Gjykatës së Shkallës së Parë Durrës për veprime të mëtejshme.