Me 292 vota elektorale, Donald Trump po vijon një fitore të thellë dhe bëhet kështu i pari kryetar i shtetit amerikan në 100 vjet që merr një mandat të dytë presidencial jo të njëpasnjëshëm. Marrja e Shtëpisë së Bardhë do të jetë një rikthim i jashtëzakonshëm për Trump pas disfatës përballë Joe Bidenit në zgjedhjet e 2020-tës.
Turma e mbështetësve të tij u elektrizua kur Fox News projektoi fitoren e Donald Trumpit në këtë garë tejet të ngushtë presidenciale, të cilësuar si historike. Donald Trump ka fituar shumicën e votave elektorale dhe do të jetë presidenti i ardhshëm i SHBA-së, ndërsa sot në deklaratën e tij riktheu në vëmendje planin.
“Do të rregullojmë kufijtë tanë dhe gjithçka në lidhje me vendin tonë. Kemi kapërcyer pengesa që dukeshin të pamundura. Është një fitore politike që nuk e ka parë kurrë Amerika. Do të luftoj për çdo qytetar dhe familjen e tij, nuk do të pushoj derisa të kthejmë Amerikën e begatë që meritojmë të gjithë. Kjo do të jetë periudha e artë për SHBA-në”, tha Trump.