Një djalë i ri ka mbetur i plagosur me thikë në Gjirokastër mbrëmjen e kësaj të premteje.
I plagosuri është një 21-vjeçar banues në Gjirokastër, i cili u paraqit në spital për të marrë mjekim.
21-vjeçari L.H. ka plagë të shkaktuar nga goditja me thikë, që pas marrjes së mjekimit në Spitalin e Gjirokastrës, u dërgua për mjekim më të specializuar drejt Spitalit të Traumës në kryeqytet.
Policia ka identifikuar si autor të dyshuar të plagosjes një 29-vjeçar me iniciale L.Dh. nga Fieri. Ky i fundit është shpallur në kërkim.
Ndërkohë, vijon puna e grupit hetimor për sqarimin e plotë të rrethanave të ngjarjes.