Futbollisti i njohur anglez, Wayne Rooney është vënë në pranga nga policia në Shtetet e Bashkuara të Amerikës.
Mediat britanike raportojnë se ish-sulmuesi i Manchester United është arrestuar për prishje të qetësisë publike, ndërsa ka qenë në gjendje të dehur.
Ngjarja ka ndodhur më 16 dhjetor, menjëherë pasi sulmuesi ishte kthyer nga një event në Arabinë Saudite.
Ish-kapiteni i Anglisë dhe Manchester United, tani luan për DC United të Major League Soccer në SHBA.
Një zëdhënës i Zyrës së Qarkut Loudoun konfirmoi se Rooney u mbajt në paraburgim “me akuzën e preishjes së qetësisë publike që rrjedh nga një arrestim nga Policia Metropolitane e Aeroporteve të Uashingtonit”.
Dokumentet e Gjykatës së Qarkut Loudoun tregojnë se Rooney, 33 vjeç, u lirua pasi pagoi një pagesë prej 25 dhe 91 dollarë.
Ai u akuzua për një kundërvajtje “Klasa 4”, e cila mban një gjobë maksimale prej 250 $.
Rooney u ndalua të drejtonte makinën për dy vjet në shtator 2017, pasi u gjet i dehur pothuajse tre herë më shumë se kufiri ligjor kur ai u ndalua nga policia në Cheshire.