At Luigj Paliq, vrarë nga ushtarët malazez dhe Dom Gjon Gazulli varur nga Leka Zogu i Parë nga sot janë të Lum të Kishës. Me dekret të Papa Françeskut kisha katolike shqiptare ka tashmë 40 martirët e saj.
Mesha solemne u mbajt në Katedralen e Shën Shtjefnit në Shkodër, në praninë e qindra besimtarëve të cilët mbushën edhe sheshin para katedrales. Në Meshën e Shenjtë, Arqipeshkvi i Shkodrës, Monsinjor Massafra, vlerësoi procesin e lumnimit të martirëve ndërkohë theksoi se ky është një vlerësim që ati i shenjtë i bën Shqipërisë.
Mesha u drejtua nga i dërguarai i Papa Françeskut, Kardinal Marcello Semeraro i cili u shpreh i lumtur që kthehet në Shqipëri në një tokë të pasur me kujtime. Në këtë meshë nuk mungoi kardinali shqiptar, Dom Ernest Troshani i cili e ka vlerësuar këtë ditë si një ngjarje të shënuar për vendin.
Në meshën e shenjte morën pjesë ipeshkvinj nga gjithe Ballkani mes tyre, Imzot Dodë Gjergji i cili ndal tek figura e Atë Luigj Palit. Pas 38 martirëve që u shpallën të Lum në vitin 2016, bashkë me Atë Luigj Paliq dhe Don Gjon Gazullin numri i tyre shkon në 40, duke shënuar kështu përfundimin e një pune gati 25-vjeçare të Kishës Katolike Shqiptare e veçanërisht të Dioqezës Shkodër-Pult.