Edhe qarkun e Korçës prej mbrëmjes të së premtes është përfshirë nga moti i keq. Në zonat e ulëta ka pasur reshje shiu të shoqëruara edhe me erë të fortë. Në zonat e larta malore ka pasur reshje shiu dhe bore. Ky mot ka sjellë edhe problematikat e para në qark që kanë të bëjnë kryesisht me energjinë elektrike.
Si pasojë e erërave të forta ka shkëputje të energjisë elektrike në disa fshatra të bashkisë Korçë, Pogradec, Maliq, Kolonjë e Devoll. Fideri Podgozhan Nst/Guri i Kuq me defekt, pa energji 100 abonentë rurale, zona Bishnicë, Jollë, Selcë e Sipërme. Fideri Vithkuq nst/Rehovë, pa energji zona Lekas, 150 abonentë ruralë Fideri 4 nst/Lozhan pa energji zona Maliq-Opar, Nikollarë, 4 abonentë)
Grupet e punës po punojnë për rikthimin e energjisë elektrike në të gjithë territorin.
Ndërkohë gjatë natës si pasojë e erërave të forta është dëmtuar një pemë në parkun e Drilonit.
Fatmirësisht nuk ka shkaktuar problematika të tjera ndërkohë që prej mëngjesit të sotëm është hequr nga grupet e punës. Strukturat janë në gatishmëri për çdo shërbim të nevojshëm dhe situate te krijuar nga moti në vazhdim.