Skënderbeu e ka mbyllur në avantazh 2-1 pjesën e parë ndaj Dinamos.
Fillimisht epërinë e morën kryeqytetasit në minutën e 14-të. Blutë gjetën rrjetën me anë të Mandela i cili gjuan në mënyrë të shkëlqyer nga jashtë zonës duke tundur rrjetën.
Ndërkohë më pak se dy minuta më pas vendasit barazuan me Çuçkën. Rashica jep një pasim diagonal për 21-vjeçarin i cili mposht Salin.
Përmbysja e rezultatit do të vinte në minutën e 33-të. Çuçka nis me shpejtësi një goditje dënimi duke pasuar për Rashicën i cili nga e djathta shënon golin e avantazhit.
Nga ana tjetër, Vllaznia kryeson 1-0 në “Loro Boriçi” ndaj Teutës falë golit të Melos Bajramit. Mbrojtësi tund rrjetën pas harkimit në shtyllën e dytë nga Kahrimanoviç, që ekzekuton në mënyrë perfekte këndoren.