DURRËS- Një plagosje me thikë ka ndodhur mbrëmjen e sotme në Durrës. Mësohet se dy vëllezër, pas një konflikti të çastit kanë plagosur me thikë një 32-vjeçar. Pas plagosjes autorët janë arrestuar nga Policia. Ndërkohë që 32-vjeçari është transportuar në spitalin e Durrësit për të marrë ndihmë mjekësore.
Njoftimi i Policisë:
Durrës/Informacion paraprak. Plagosën me mjet prerës (thikë) një 32-vjeçar, dyshohet pas një konflikti të çastit, ndërhyrja e menjëherëshme e shërbimeve të Policisë, bëri të mundur kapjen dhe shoqërimin e autorëve të dyshuar. Rreth orës 18:45, në lagjen nr. 4 Durrës, dyshohet se pas një konflikti të çastit, dyshohet për motive të dobëta, shtetasit E.G, 36 vjeç dhe I. G. 33 vjeç, (vëllezër) kanë plagosur me mjet prerës (thikë), shtetasin G. B., 32 vjeç.
Ndërhyrja e menjëherëshme e shërbimeve të Policisë, bëri të mundur kapjen dhe shoqërimin në Komisariat, të dy vëllezërve për veprime të mëtejshme procedurale. 32-vjeçari është transportuar në spitalin e Durrësit, ku po merr ndihmë mjekësore dhe ndodhet jashtë rrezikut për jetën. Grupi hetimor nën drejtimin e Prokurorisë po punon për sqarimin e plotë të rrethanave të rastit.