E veshur kuqezi, këngëtarja me famë botërore, Rita Ora ka uruar për festën e Flamurit, ku shihet të ndezë skenën nën ritmin e muzikës popullore tradicionale shqiptare.
Kujtojmë që dy muaj më parë Rita vizitoi Kosovën, dhe në takimin e saj të parë me mediat ajo shpreh se është krenare që i përket këtij kombi.
“Jam e lumtur që jam në Kosovë. Kam pasur një udhëtim fantastik me UNICEF-in. Me të vërtetë po mundohem që ta ndihmoj rininë kosovare. Jam e mrekulluar me punën që po bëjnë të rinjtë dhe jam krenare që jam pjesë e këtij kombi. Me të vërtetë jam e lumtur që kam takuar shumë heronj të ri. Faleminderit që më keni pritur”, tha Ora.