Arbenita Ismajli po kalon ditë luksoze në Dubai, duke ndarë me ndjekësit e saj pamje nga jeta e shkëlqyer që po përjeton. Në këtë udhëtim modelja shoqërohet nga vajza e saj, Nina, me të cilën ka ndarë momente të bukura nga vendi ku po qëndrojnë.
Ish-bashkëshorti i saj, Fero, i cili më parë njihej si një nga reperët më të suksesshëm shqiptarë, ka bërë një zgjedhje krejt ndryshe për destinacionin e tij. Përmes një postimi në Instagram, Fero ka treguar se ndodhet në Meka, vendi i shenjtë për myslimanët. Në përshkrimin e tij, ai ka shprehur devotshmërinë dhe përkushtimin ndaj besimit fetar, duke cituar një fragment të ndjerë: “Më mjafton mua All-llahu; s’ka të adhuruar tjetër përveç Tij. Tek Ai jam mbështetur dhe Ai është Zoti i Arshit të Madh”.
Këto dy udhëtime, të ndara me ndjekësit përmes rrjeteve sociale, pasqyrojnë stile dhe përzgjedhje jetese krejtësisht të ndryshme mes ish-partnerëve. Nga njëra anë, Arbenita vazhdon të promovojë jetën luksoze dhe momentet e bukura me vajzën e saj, ndërsa nga ana tjetër, Fero tregon se është thelluar në rrugën shpirtërore dhe përkushtimin ndaj fesë.