Mediat e transmetuan lajmin e hidhur që në orët e para të mëngjesit, se Tani i Topit kishte humbur jetën në një aksident me makinën që e donte aq shumë. Ishte 23 maj 2008, 11 vite më parë kur lajmi tronditi opinionin publik.
Sot, vajza e tij Sara i bën një dedikim të ndjerë të atit, duke postuar një foto me një karrige bosh në ceremoninë e dasmës e duke shkruar se ai është në çdo moment pranë familjes së tij dhe njerëzve që e deshën aq shumë.
“Për 11 vitet e shkuara në jetët tona, të gjithë kemi pasur një karrige bosh me shpresën se të kemi aty të pranishëm. Megjithatë, nuk ishte e nevojshme. Ti je në mendimet e mia çdo mëngjes, sa herë që shoh tim bir, dhe sa herë që flas me motrat e vëllain tim, apo mamin tonë duke uruar që ti je aty për të na udhëhequr. 11 vite më parë ti më le zemërthyer dhe vetëm kur u bëra vetë prind po mësoj të vendos të gjitha copat bashkë. Një gjë për të cilën kam besim është se ti më dërgove London dhe më dhe mundësinë të shoh jetën pozitivisht. Kushdo që ka humbur një prind e di që dhimbja do të jetë aty gjithmonë, edhe pse mësoni të përballoni jetën dhe të jetoni me kujtimet e tyre”, shkruan Sara në profilin e saj në Instagram.
