Nënpresidentja e PL-së, Erisa Xhixho thotë se Ilir Meta, po mbahet në izolim ekstrem, vetëm për efektin elektoral që ai krijon. Ajo tha se Meta mban kontakte me kryedemokratin Sali Berisha dhe sekretarin e përgjithshëm të PL-së, Tedi Blushi, për organizimin e aksionit politik.
“Meta po mbahet në izolim ekstrem, sepse jemi në vit elektoral dhe ai mbahet në burgim për efektin elektoral që ai krijon. Marrëdhëniet me Berishën i ruan Presidenti i PL-së, Ilir Meta.
Patjetër ai është në kontakt me Berishën, qoftë edhe sekretari i përgjithshëm gjithashtu mban kontaktet me PD, ne në Parlament mbajmë kontaktet me deputetët e PD. Kështu që Meta është vetë në rakordim me të gjithë, jo vetëm me drejtimin e partisë, por edhe të koalicionit.
Arrestimi i Metës do të kthehet në forcë. Po kthehet në forcë, në të gjitha takimet që unë kam pasur. Të gjithë janë angazhuar për të punuar 10-fish më shumë”, tha Xhixho.