Ka pasur tensione në seancën e kësaj radhe në Apelin e Krimeve të Rënda, për gjykimin e dosjes “Shullazi”. Një prej të pandehurve, Gilmando Dani ka kërkuar shpjegime nga kryesuesja e seancës nëse është kërcënuar.
Por gjyqtarja Saida Dollani nuk ka dashur t’i përgjigjet duke i kërkuar Danit që të ulej. Ky i fundit nuk i është bindur dhe gjyqtarja e ka përjashtuar nga seanca. Katër të pandehurit e tjerë braktisën sallën e gjyqit bashkë me avokatët, bën të ditur News 24.
Në gjykim janë Emiliano Shullazi, Gilmando Dani, Blerim Shullazi, Endri Qyqe dhe Endri Zela.