Me ngjyrat kuqezi, Lara Colturi e ka nisur në mënyrën më të mirë vitin 2025 teksa ka regjistruar një tjetër rezultat pozitiv në Kupën e Botës. 18-vjeçarja arriti të mbyll garën në vendin e dytë në Kupën e Botës në Kranjska Gora të Sllovenisë.
Ky ishte podiumi i dytë në karriere për 18-vjeçaren pas atij të Gurgl në Austri. Lara u rendit pas kampiones së etapës, skiatores suedeze Sara Hector, ndërkohë që të dielën ajo do të ketë garën e radhës në Sllallom.
Një arritje e jashtëzakonshme për skiatoren kuqezi, e cila në vitin e parë që garon te të rriturat e gjen veten në vendin e gjashtë në klasifikimin e përgjithshëm.