Kanë qenë konsumatorët që kanë dhënë njoftimin tek Autoriteti Kombëtar i Ushqimit për tregtim produkti jashtë afatit të skadencës.
AKU bën të ditur se ka kryer kontroll në operatorin tregtar të denoncuar ku u zbuluan 193.2 kg produkte ushqimore që shiteshin edhe pse data e skadencës ishte dy vite më parë, dhjetor 2017.
“Per shkeljet e konstatuara dhe bazuar ne parashikimet e Ligjit për “Ushqimin” dhe ligjit per “Inspektimin ne Republiken e Shqiperise”, AKU vendosi masat administrative “Gjobë” me vlerë 800,000 lekë dhe sasia prej 193.2 kg produkte ushqimore u bllokua me destinacion asgjesimi”, thotë AKU.
Bëhet fjalë për produkte si karamele, çokollata, birra, vaj ulliri etj.






