Rrjeti i kanalizimeve të ujrave të zeza në qytetin e Burrelit është investimi më i rëndësishëm që po realizohet nga Bashkia e Matit. Prej dekadash këto ujra derdheshin në lumin e Matit dhe më tej në liqenin e Ulzës. Ndërkohë pas ndërtimit të këtij rrjeti dhe impiantit të pastrimit eleminohet ndotja mjedisore.
Punimet vijojnë me intensitet dhe pritet që impakti të jetë mjaft pozitiv. Për kryetarin e bashkisë Mat, Agron Malaj, ky është një nga investimet më të rëndësishme që po realizohet në këtë bashki. Po punohet që ky rrjet të funksionojë sa më shpejt për t’i dhënë fund ndotjes së mëparshme.
Postimi i Malajt:
Ndërtimi i rrjetit të kanalizimeve dhe impiantit të ujrave të ndotura është një nga investimet më të domosdoshme që po realizohet në #Mat
Punimet për ndërtimin e këtij rrjeti vijojnë në mënyrë intensive, që të vihet në funksion sa më shpejt për t’i dhënë fund ndotjes mjedisore nga ujrat e ndotura.
Mjedis më i pastër, jetë më cilësore për komunitetin matjanë!
#Mat
