Kreu i shtetit Ilir Meta u ofrua i gatshëm të ndryshojë datën e zgjedhjeve, por për socialistët ato do të mbahen më 30 qershor dhe këtë “se luan topi”.
Të paktën kështu është shprehur kreu i grupit parlamentar të Partisë Socialiste Taulant Balla gjatë një takimi para-elektoral në Belsh dhe Cërrik.
Për Ballën më 31 Maj starton fushata elektorale dhe duhet të zhvillohet një fushatë e qetë dhe të komunikohet me njerëzit, duke i dhënë kështu përgjigje deklaratës së Presidentit të vendit, Ilir Meta.
“Zhvillimi i zgjedhjeve me 30 Qershor është afat Kushtetues dhe nuk e luan topi. Kush do të tentojë të pengojë qoftë edhe një qendër votimi do të hasë në forcën e ligjit”, ka thëne Balla.
Lexo edhe- Meta i gatshëm të ndryshojë datën e zgjedhjeve dhe të lërë mandatin e Presidentit