Ambasada e SHBA-së ka reaguar për protestën e të shtunës të opozitës duk i kërkuar qytetarëve të saj të kenë kujdes.
Sipas njoftimit të ambasadës pikat e grumbullimit të protestuesve do të jenë Parlamenti, kryeministria dhe ndërtesa të tjera qeveritare.
“Një demonstratë e madhe pritet të zhvillohet pranë Zyrës së Kryeministrit më 25 maj 2019, duke filluar nga ora 19:00. Grupi synon të protestojë kundër qeverisë shqiptare dhe mund të lëvizë në vende të ndryshme në Tiranë. Kohëzgjatja e demonstratës së pritshme është e panjohur. Protestat e kohëve të fundit kanë përfshirë dhunën. Forcat e sigurisë kanë përdorur ujë dhe gaz lotsjellës për të shpërndarë turmat”, thuhet në njoftim.
Ambasada u kërkon qytetarëve amerikanë të shmangin lëvizjet në zonat ku do të protestohet, të shohin median lokale për tu përditësuar.