Liderët europianë do të rikthehen në Tiranë më 15 maj. Shqipëria do të jetë më 16 maj 2025 mikpritëse e Samitit të Komunitetit Politik Evropian, një ngjarje historike që pritet të mbledhë në Tiranë liderët e vendeve evropiane.
Kryeministri Edi Rama në rubrikën “sy më sy” që tashmë e zhvillon të martë dhe të enjte, duke iu përgjigjur pyetjeve të ndjekësve të tij. Rama u shpreh se Shqipëria do të jetë mikpritësja e liderëve të BE ku do të diskutohet për të ardhmen e përbashkët në Shqipëri. Në 16 rikujtoi Rama do jetë komuniteti politik Europian ku Shqipëria do të ketë edhe fjalën kyçe.
“Në 15 maj unë do të pres liderët e 46 vendeve dhe 8 të tjera organizatave ndërkombëtare që do të vijnë të gjithë në Shqipëri. Në 15 në darkë do të jemi me liderët e BE ku Shqipëria do të jetë mikpritësja ku do të diskutojmë për të ardhmen e përbashkët në Shqipëri. Dhe në 16 do të kemi komunitetin politik Europian ku Shqipëria do të ketë fjalën kyçe. Në lidhje me humorin tënd, këtë do ta shohim në 11 ku shqiptarët brenda dhe jashtë, do t’u japin një përgjigje të qartë, të gjithë atyre që ma hedhin mua përgjegjësinë se njerëzit vendosin të kërkojnë fatin e tyre diku tjetër. Dhe këtu do të jemi sërish. Këneta dhe bufi i kënetës janë histori më vete. Doni apo nuk doni Edi Ramën dhe qeverinë e PS, kjo është panorama”, tha ndër të tjera ai.