Pak ditë më parë të gjithë fansat u shokuan nga lajmi që Rihanna pranoi se prej kohësh jeton në Londër. Ndërsa tani, krejt papritur ylli i muzikës u shfaq në hapjen e dyqanit të ri të ‘Fenty’ në Paris. Paraqitja e saj surprizuese nuk ishte paralajmëruar më herët, por fansat që ishin atje u emocionuan shumë. Ajo u shfaq e veshur bukur me një fustan xhins të errët dhe grim të thjeshtë.
Rihanna ishte pozitive dhe e qeshur teksa takonte fansat që ishin aty. Kujtojmë se lajmi më i rëndësishëm për të së fundmi ka qenë fakti që është zhvendosur në Londër. Ky detaj nuk ishte vënë re deri në këtë moment, madje Rihanna pranoi se i pëlqen fakti që shëtit në lagje pa e vënë re askush.
