Kryeministri i Shqipërisë, Edi Rama nga Panairi i turizmit në Berlin iu përgjigj pyetjeve të shumta të komentueseve dhe një prej tyre lidhej me Kosovën.
Për pyetjen “Pse nuk kemi oferta të përbashkët turizmi me Kosovën”, shefi i qeverisë theksoi se duhet të punohet më shumë në këtë drejtim.
Sipas tij, është koha që Shqipëria dhe Kosova të jenë bashkë jo vetëm me zemër, por edhe me mendje.
“Sigurisht duhet t’i kemi dhe shpresoj që tani edhe zgjedhjet që mbaruan atje do ketë fokus më shumë tek disa gjera të tjera që duhet t’i bëjmë. Është koha të jemi shumë afër, është koha të jemi shumë bashkë, është koha të jemi mish e thua, jo thjesht me zemër, se ashtu kemi qenë dhe jemi, por edhe me mendje.”, u shpreh shefi i qeverisë.