Jo veç krim pasioni, por edhe për shkak të marrëdhënieve familjare është pista tjetër që po hetohet. Kjo për krimin makabër ndaj 24-vjeçares palestineze, Rayyan Alwan në Tiranë.
Kjo pistë hetimi është shtuar nga hetuesit për faktin se nuk kanë konfirmuar ende dyshimet nëse i kërkuari ndërkombëtarisht si autor krimi, Fati Alwan është babai apo bashkëshorti i vajzës.
49-vjeçari është duke u kërkuar në Liban e Palestinë vende ku mendohet të jetë duke u fshehur. E reja u gjet e pajetë në banesën që kishin marrë me qira në Tiranë më datë 27 shkurt. Krimi makabër dyshohet të ketë ndodhur nga data 19 që kanë hyrë në Shqipëri deri më datë 22 kur 49- vjeçari është larguar i vetëm nga aeroporti Rinasit.