Një aksident i rëndë ka ndodhur pranë zonës së njohur si Shkëmbi i Kavajës në Durrës. Një autoambulancë humbi kontrollin pasi u përplasur me një tjetër mjet.
Ambulanca vinte nga Berati dhe po transportonte një 65-vjeçar në drejtim të Tiranës, i cili shoqërohej edhe nga bashkëshortja e tij.
Kanë mbetur të lënduar 3 persona, 65-vjeçari, bashkëshortja e tij dhe një infermiere, ndërsa shoferi i ambulancës ka shpëtuar pa lëndime.
Grupi hetimor ndodhet në vendngjarje dhe po punon për zbardhjen e shkaqeve të aksidentit.