Kryeministri Edi Rama ishte pjesë në ceremoninë e ndarjes së çmimit “Karlspreis – Karli i Madh” ku foli për “planin B.
Kreu i qeverisë bëri një kthim pas në kohë, kur ishte i ri dhe përfshirjen në politikë, ku iu drejtua të rinjve duke u thënë se nuk e kuptojnë pse është e rëndësishme politika.
Më tej foli për planin B që ka Shqipëria, ku tha se është anëtarësimi në BE.
“Për të ardhur të pyetja, s’dua të marr shumë nga koha juaj duke u kthyer 35 vite më parë. Isha aq i ri sa të pranishmit në auditor. U përfshiva për të kërkuar lirinë. Ajo çfarë dua të them është se nuk jam i lumtur kur shoh të rinjtë që nuk e kuptojnë sa e rëndësishme është politika dhe besojnë se duke e cilësuar si diçka të pistë, nuk duan të bëjnë, në fakt mendojnë se i ikin asaj, por nuk i ikën dot. Është iluzion të besojnë se nëse rrish jashtë saj, nuk prekesh dot, është e kundërta në fakt. Ka të bëjë me pjesëmarrjen, jo me profesionin. Ka të bëjë me angazhimin si qytetar. Për liritë e tyre. Pse jam kaq i fiksuar për ta çuar Shqipërinë në BE. Ka gjëra që nuk do të jenë të sigurta, të pakthyeshme. Ndaj kur më pyesin ç’plan B ka Shqipëria, them anëtarësimi në BE.”, tha Rama.
“Zoti i shpëtoi jetën Donald Trump jo vetëm për ta bërë Amerikën të madhe përsëri, por për të zgjuar përfundimisht Europën dhe për t’i dhënë asaj mundësinë të kuptojë që nuk mund të vazhdojë sikur bota të ishte njësoj sepse nuk është njësoj”, tha Rama.
Një koment e ka edhe për reformën në drejtësi, për të cilën thotë se nuk është e përsosur, por për herë të parë njerëz të veshur me pushtet politik po dalin para prokurorëve e gjyqtarëve të pavarur.