Këtë mëngjes, kryetarja e Lëvizjes Socialiste për Integrim, Monika Kryemadhi, i ka shkuar në shtëpi liderit demokrat Lulzim Basha. Mësohet se Kryemadhi është takuar me kryedemokratin në shtëpinë e tij pranë Liqenit Artificial, tek ish-stadiumi “Qemal Stafa” ku po ndërtohet Arena Kombëtare. Shqiptarja.com ka siguruar edhe një foto të makinës së Kryemadhit parkuar poshtë pallatit ku banon Lulzim Basha.
Dje opozita e bashkuar joparlamentare zhvilloi protestën e gjashtë kombëtare kundër qeverisë, e para protestë paqësore që erdhi pas presinit të SHBA-ve dhe BE-së. Protesta u mbyll shpejt dhe udhëheqësit politikë u kujdesën të mos kishte përplasje me policinë. Kryedemokrati Lulzim Basha tha se tashmë është koha për zgjidhje politike, por si kusht duhet largimi i Ramës.
Zgjedhje pa opozitën nuk ka – theksoi ai, ndërsa kryetarja e LSI-së, Kryemadhi bëri thirrje për të mos pasur akte dhunë në protestë, pasi këto veprime nuk do të ishin gjë tjetër, veçse pikë për Edi Rama.
