Loja e mosreagimit ka pasur një përfundim të papritur për njërin prej banorëve, Gjestin. Ai nuk i rezistoi tundimit për të reaguar kur Vëllai i Madh e provokoi duke i sjellë në shtëpi qenin e tij.
Për disa ditë me radhë, banorët janë testuar në qëndrueshmërinë e tyre, teksa në shtëpi janë futur personazhe të ndryshme nga jeta e tyre personale, me qëllimin që të mos reagonin.
Gjesti u dorëzua kur pa qenin e tij, duke e prishur sfidën. Ironikisht, një ditë më parë, ai kishte habitur publikun duke mos reaguar fare kur ish-e dashura e tij, Xheneta, hyri në shtëpi.
Qëndrimi i tij i ftohtë ndaj saj u komentua gjerësisht si një shenjë e vetëkontrollit dhe vendosmërisë për ta fituar sfidën. Kur u përball me qenin e tij të dashur, ndjenjat morën epërsi dhe ai nuk mundi të përmbahej.