Shtetet e Bashkuara kanë shpallur ‘non grata’ ambasadorin e Afrikës së Jugut në Uashington, Ebrahim Rasool.
Sekretari i Shtetit, Marco Rubio, e akuzoi Rasoolin si një “politikan që nxjerr në pah racizmin dhe që urren Amerikën dhe Presidentin Donald Trump.” Rubio tha se Rasool nuk është më i mirëpritur në SHBA dhe nuk ka asgjë për të diskutuar me të.
Vendimi ka ardhur pas një fjalimi të Rasool-it të mbajtur në një webinar, ku ai kritikoi administratën Trump dhe përmendi angazhimin e Elon Musk-ut me figura të krahut të djathtë në Evropë, duke e quajtur atë një “dog whistle” për lëvizjet që mbështesin komunitetin e pasigurt të bardhëve.
Rasool, ish-politikan i partisë ANC, ka kaluar në politikë dhe ka qenë një kundërshtar i veprimeve të administratës Trump.