Partia Socialiste ka prezantuar pasditen e sotme kandidatët për deputetë të qarkut të Tiranës. Kryeministri Edi Rama vlerësoi skuadrën e kandidatëve socialistë. Për të u është qytetarëve të qarkut një ofertë dhe mundësi zgjedhjeje për ti përfaqësuar denjësisht në Kuvend.
”Jam shumë krenar për këtë skuadër sepse besoj që i kemi dhënë të gjithë qarkut të Tiranës një ofertë të plotë. U kemi dhënë të gjitha moshave një mundësi zgjedhjeje të plotë. I kemi dhënë vajzave dhe grave një buqetë ku mund të zgjedhin pa dyshim. U kemi dhënë të rinjve mundësinë të bëjnë zgjedhjen e tyre”,-tha Rama.
Rama theksoi edhe se PS është një parti e re, por me një eksperiencë që u jep siguri qytetarëve. ”Ne kemi ndërtuar partinë më të re që është sot në të gjithë atë fletë të madhe votimi për Tiranën. Një parti të re ama një shalqi me provë që ka brenda vetes eksperiencën e të gjitha këtyre viteve qeverisje.
Kjo duke i dhënë qytetarëve të Tiranës mundësinë që të shohin përpara përmes së resë por edhe të ndjehen të sigurt që rruga jonë përpara është e garantuar përmes eksperiencës. Të dyja këto bashkë janë jo të lehta por të dyja këto bashkë gjenden vetëm në ofertën e alternativën e PS”.