Për shkak të kushteve të këqija atmosferike që ka përfshirë vendin tonë janë pezulluar lundrimet e tragetit të linjës Vlorë-Brindisi, Durrës-Bari dhe anasjelltas.
Kapiteneria e Portit të Vlorës ashtu si edhe ajo e Durrësit kanë pezulluar gjithashtu edhe lundrimin për mjetet e vogla lundruese dhe anijet e peshkimit.
“Sipas autoriteteve portuale, forca e detit brenda gjirit të Vlorës arrin 6-7 ballë, ndërsa jashtë tij shkon deri në 8 ballë. Dallgët variojnë nga 2.5 metra deri në 4 metra, duke e bërë të rrezikshme çdo lëvizje në det”, thuhet ndër të tjera në njoftim.
Parashikohet që situata të përmirësohet në orët e para të mëngjesit të 25 marsit, duke krijuar mundësi për rifillimin e lundrimit.
Deri atëherë, të gjitha mjetet detare janë të detyruara të qëndrojnë të ankoruara për të shmangur çdo incident të mundshëm.