Telenovela në Big Brother vijon. Gjesti ka shprehur hapur ndjenjat e tij rreth situatës me Eglin, duke kërkuar një komunikim të sinqertë mes tyre. Ai ka pranuar se marrëdhënia e tyre ka pasur sfida dhe gabime nga të dyja palët, por nuk pranon të mbajë i vetëm peshën e fajit.
”Këtë e ka hëngër dreqi. I kam thënë: ”Këtu do të ta fusin të gjithë”. Tani më gjuhet mua. Unë thjesht dua komunikim, nuk dua të jem bashkë me Eglin”.
“Dua të merrem vesh, të falim njëri-tjetrin”, është shprehur ai, duke nënvizuar dëshirën për një zgjidhje paqësore, pa e kthyer situatën në një luftë fajësimi. Ai ka theksuar gjithashtu se nuk është vetëm Egli ajo që ka mbetur e pastër nga kjo histori, por edhe ai vetë ka përjetuar dhimbje dhe barrë emocionale.
Fjalët e tij tregojnë se Gjesti synon të ruajë një raport të respektueshëm me Eglin, duke mos lejuar që tensionet të përshkallëzohen më tej.