Itinerari i fluturimit Mbretëri e Bashkuar-Australi nuk është i lehtë. Fluturimi zgjat rreth 30 orë dhe ka të paktën një ndalesë.
Por udhëtarët mund të kenë mundësinë që të ndihen disi më rehat. Linja ajrore australiane Qantas Airways synon që brenda dy viteve të prezantojë fluturimin e parë pa ndalesa mes Londrës e Sidneit.
“Projekti Agimi” ka si qëllim të lidhë bregun lindor të Australisë me pika kryesore si Londra e New York-u.
Edhe pse nuk është vendosur ende cila rrugë do të prezantohet e para, fluturimet pritet të zgjasin 19 orë dhe të përshkohen rreth 10.000 milje. Këto fluturime mund të jenë 4 orë më të shkurtra.
Puna për këtë projekt ka nisur që në vitin 2017 dhe kompania shpreson ta prezantojë në 2025-ën. Për shkak të pandemisë dhe problemeve teknike, fluturimet mund të fillojnë prej vitit 2027.
Emri “Projekti Agimi” erdhi nga ideja që pasagjerët do të mund të shohin lindjen e diellit dy herë gjatë udhëtimit më të gjatë në botë, një rekord që për momentin mbahet nga Singapore Airlines, një fluturim nga Singapori në New York që zgjat 18 orë.
Shërbimi ajror do të formatohet pasi linja ajrore të marrë 12 mjete ajrore të dedikuara, Airbus A350-1000 në fund të vitit të ardhshëm.