Everton dhe Arsenal përballen sot në orën 13:30 për raundin e 31-të në Premier Leaguen angleze të futbollit. Trajneri i Everton, David Moyes ka folur edhe për cilësitë e Armando Brojës.
Sulmuesi i Kombëtares ka lënë pas lëndimin dhe duket se do marrë më shumë se 11 minuta sot, pasi aq luajti raundin e kaluar. Moyes çmon cilësitë e 23-vjeçarit dhe duket se Armando mund të jetë në fushë nga minuta e parë në vijimin e sezonit.
”Unë mendoj se ai ka disa cilësi vërtet të mira, ai ka aftësi, ndonjëherë mund të mbajë topin, ai mund të qëndrojë me top në këmbë dhe të na japë mundësi të dalim para. Ai gjithashtu ka shpejtësi. Unë mendoj se ne duhet të përpiqemi t’i japim atij një mundësi për të parë se çfarë mund të bëjë”, tha Moyes për Brojën.