Me të vërtetë e sikletshme. Stema e Ushtrisë së Kosovës është vjedhur nga një kompani e rojeve të sigurisë në SHBA. Kompania e shërbimeve të Sigurisë në SHBA me bazë ne Los Angeles, e themeluar më 2003, ka të njëjtën stemë të cilën e ka edhe Forca e Sigurisë së Kosovës, shkruan Gazeta Express.
Këtë stemë FSK-ja e ka zyrtarizuar më 21 janar 2009, ndërsa kjo kompani e sigurimeve thotë se është themeluar më 2003 në SHBA. Kujtojmë se edhe në 10 vjetorin e Pavarësisë së Kosovës ishte përzgjedhur një logo, e cila më pas doli të jetë plagjiaturë.
Për këtë, Këshilli Organizativ për Shënimin e 10 vjetorit të Pavarësisë së Kosovës, pasi u mor vesh se u prezantuan me logo të vjedhur, vendosën ta ndryshonin atë, dhe kështu e prezantuan më pas logon e re të 10-vjetorit.