11 mandate në Fier më 11 maj është objektivi që ka vendosur zv/kryeministrja Belinda Balluku, teksa ju drejtohej në një takim me të rinjtë e PS në këtë qark. Balluku e cila mban postin edhe të drejtueses politike të PS në qarkun Fier, tha se me mandatin e katërt PS do të mbyllë njëherë e mirë tranzicionin për të hapur kapitullin e Shqipërisë Evropiane.
“Do e hapim kapitullin e Shqipërisë 2030 që ju përket juve dhe brezave europianë që do të vijnë. Tashmë ka ardhur koha jonë, pasi kemi kaluar një rrugëtim të gjatë dhe me sfida, me detyra për të mbushur, vetëm PS dhe Edi Rama mund ta çojnë Shqipërinë një hap larg BE.
Hedhin baltë edhe mbi ju, mbi të rinjtë e këtij vendi, që vendosi të bëhet pjesë e këtij rrugëtimi. Baltës i japim përgjigje më 11 maj duke votuar numrin 5. 11 mandate në qarkun e Fierit, një triumf historik”, tha Ballluku.